10年前(2005)剛由加拿大返香港創業, 冇人識, 冇客, 諗住透過講 seminar; 一路賺錢, 一路揾客. 因冇錢登廣告同冇錢請人幫手, 膽粗粗 cold call 左十幾間公司揾人合作, 個個聽到我講”互聯網推廣”都笑我傻仔, 我仲記得在紅磡 XXXLife 被人拍枱叫我走; 多謝 BOSSible 當年比個機會我, 講第一場 seminar 時連 PowerPoint 都未識用. 2010年我開始講 Google Marketing, 當時 Smart Phone 未太流行. 只係聽到別人話”香港冇人用 Google, 個個用 XXXXX!”, 在我 YouTube 睇返當年的 Seminar, 我都有講. 我捱到 2011年, Google 揾我講第一場 Google Seminar, 開始多人認識; 2013年成為首批 Google Partner Academy Trainer, 當時全球合資格人數不過70人, 講課的 offer 都唔錯, 每日有千多美金. 不過比起現在, 講座賺錢慢, 入息冇累積及延續性, 用時間太多, 好難見到效果, 冇滿足感. 所以在 2014年, 我只做了兩場非公開講座, 我覺得 2015年應該為 johnlui.com Seminars 劃上句號, 我會 focus 在做 project, 做好物業投資, 多些時間放在飛機, 跑車, 旅遊方面, 我更會開拓海外市場. 多謝多年來在講座上合作的伙伴和各位來賓. Thank you very much.
858627_10151819229727984_1071716768_o